خبر:

د فتوا لپاره د اندونیزیا علماوو شورا (MUI) رییس محمد اسرورون وروسته له هغه د MUI د دوو غړو غړیتوب وځنډاوه چې د یهودي ګټو ملاتړي سازمان سره د اړیکو تور پرې پورې شو؛ دا پرېکړه د نهضة العلماء د غړو او اسرایلو د ولسمشر ترمنځ تر لیدنې وروسته وشوه. د دغو کسانو هویت نه دی افشا شوی. اسرورون وویل چې دغو دوو تنو تېر کال په سينګاپور کې د اسرایلو له سفیر سره کتلي وو. د هغوی د غړیتوب ځنډېدل د موضوع تر روښانه کېدو پورې دي او اصلي پرېکړه به وروسته وشي. تر دې وړاندې نهضة العلماء اسرایلو ته د پنځو تنو علماوو سفر غندلی او بې‌اجازې يې بللی و. د سمیه‌يیزو رسنیو له لوري د دغو  کسانو نومونه زین المعارف، منور عزیز، نور البحرالعلوم او عزه عنفیسه خپاره شول. نهضة العلماء د اسرایلو له ولسمشر هرتزوګ سره دغه کتنه نامناسبه او بې‌اجازې وبلله. (سرچینه: Jakartaglobe.id)

تبصره:

په غزه کې د روانې نسل وژنې سربېره اسرایلي دولت هڅه کوي چې اسلامي علما، مشران، روڼ اندي او ځوانان د صهیونیستي رژیم په ګټه وکاروي. د حیرانتیا وړ ده چې اوس هم په مسلمانانو کې باسواده کسان او علما شته چې له صهونیستي مشرانو سره لیدنې ته لیواله دي او یا له صهیونیستي پلوه ډلو سره دوستانه اړیکې لري.

دا د غزې له خلکو، چې هره ورځ په بې رحمانه ډول وژل کیږي، سره ستر خیانت دی. مسلمانان د یو بدن په څېر دي؛ کله چې یې یو غړی خوږ شي، ټول بدن ورسره دردېږي. د مسلمانانو د ورورولۍ د دغه مفهوم په اړه دوی پوهیږي؟ که دا مسلمان شخصیتونه د سولې او زغم په نامه د صهیونیستي رژیم له مشرانو سره خپلې لیدنې توجیه کوي؛ نو د سولې ویجاړونکو او د نړۍ تر ټولو توکمپال او اپارټایډ رژیم ته کومه سوله وړاندې کېدی شي؟

دا ډول کړنې یوازې د مسلمانانو پر وړاندې د ایمان او رحم د کمزورۍ او د اسلامي ټولنې دښمنانو ته د تسلیمیدو په معنی دي.

دا هغه ناروغي ده چې نن ورځ زموږ ځینې مسلمانان ورونه پرې اخته دي، چې د مسلمانانو پر وړاندې سخت خو د کافرانو پر وړاندې نرم دي. الله تعالی موږ ته امر کوي چې له کافرانو سره سختي او له مسلمانانو سره نرمي وکړو. دغه لارښوونه نه یوازې پر مسلمانه ټولنه، بلکې پر مسلمانو مشرانو هم تطبیقیږي. شونې نه ده چې دغه شخصیتونه دې له صهیونیستانو سره په ازاده توګه همکاري وکړي او یا دې له صهیونیستي رژیم سره د خپل حکومت او چارواکو له اجازې پرته لیدنه وکړي.

که دولت په ریښتیا هم د صهیونیزم پر وړاندې کلک هوډ لرلای او له فلسطین څخه یې په کلکه دفاع کولای، نو په دولت کې دننه ټول عناصر یې باید نه یوازې د فلسطین د دفاع لپاره پورته کړي وای، بلکې په اسلامي ټولنه کې د صهیونیستي رژیم د تبلیغاتو د ډیرو کوچنیو فرصتونو مخه به یې هم نیولي وای.

په اندونیزیا کې له صهیونیستانو سره د مسلمانو روڼ اندو د ښو اړیکو ساتل ښيي چې د اندونیزیا حکومت له صهیونیزم سره د مبارزې او د فلسطین په دفاع کې جدي نه دی. دا د فکر وړ ده، ځکه چې د اندونیزیا او اسراییلو ترمنځ سوداګریزې اړیکې شته او په وروستیو کلونو کې څو اسرایلي ورزشکارانو او چارواکو اندونیزیا ته سفر کړی دی.

یوازې اندونیزیا دا کار نه کوي؛ ښايي نور مسلمان هېوادونه هم ورته چلند وکړي. له یوې خوا پر صهیونیزم نیوکه کوي او د فلسطین ملاتړ کوي، خو له بلې خوا له اسرایلو سره همکاري کوي او صهیونیستي تبلیغاتو ته اجازه ورکوي چې د مسلمانانو په ذهنونو کې نفوذ وکړي.

دغو حالاتو ته په کتو، د اوسنيو مسلمانو مشرانو څخه د فلسطين د کړکېچ هوارولو ډېره لږه تمه شته. پرېږدئ چې دا حقیقت افشا شي ترڅو مسلمانه ټولنه د خپلو مشرانو پر خیانت پوهه شي او دا درک کړي چې دا رهبران د مسلمانانو د اوس او راتلونکي دواړو لپاره هیڅ ګټه نه شي رسولی.

مسلمان وروڼه، مشران، روڼ اندي او علما باید تل د الله او د هغه د رسول صلی الله علیه وسلم لارښوونې په یاد ولري، چې په نیکۍ او تقوا کې له یو بل سره مرسته وکړي، نه په ګناه او دښمنۍ کې. ایا تاسو د الله تعالی له خبرداري څخه نه وېرېږئ، په تېره بیا کله چې تاسو اسلام او مسلمانه ټولنه د الله تعالی او مسلمانانو له دښمنانو سره کتنې او ورورګلوۍ ته وربولئ؟ دا د الله تعالی د ایتونو پټولو او په لږ قیمت خرڅولو ته ورته کړنه ده. په اخرت کې به دا خلک د دوزخ اور خوري. الله تعالی فرمايي:

«إِنَّ الَّذِينَ يَكْتُمُونَ مَا أَنزَلَ اللّهُ مِنَ الْكِتَابِ وَيَشْتَرُونَ بِهِ ثَمَنًا قَلِيلاً أُولَـئِكَ مَا يَأْكُلُونَ فِي بُطُونِهِمْ إِلاَّ النَّارَ وَلاَ يُكَلِّمُهُمُ اللّهُ يَوْمَ الْقِيَامَةِ وَلاَ يُزَكِّيهِمْ وَلَهُمْ عَذَابٌ أَلِيمٌ» [بقره: ۱۷۴]

ژباړه: «په رښتیا هغه خلک چې د الله تعالی نازل کړي کتاب (یوه برخه) پټ (یا یې تحریفوي)، او هغه په لږه ګټه خرڅوي، هغوی د دوزخ له اور پرته بل څه نه خوري او د قیامت په ورځ الله تعالی له هغوی سره خبرې نه کوي او هغوی (له ګناهنونو) څخه نه پاکوي. هغوی ته سخت عذاب په تمه دی.»

د حزب التحریر مرکزي مطبوعاتي دفتر لپاره

عبدالله اسوار

۱۴۴۵هـ.ق کال، د محرم ۱۶مه

۲۰۲۴م کال، د جولای ۲۲مه